Кўчмас мулкни оммавий баҳолаш миллий маркази директори тайинланди

Муҳиддин Холмуродов Кадастр агентлиги ҳузуридаги Кўчмас мулкни оммавий баҳолаш миллий маркази директори этиб тайинланди.

Агентлик хабарига кўра, бу лавозимга тайинлангунга қадар у Иқтисодиёт ва молия вазирлиги тизимида ишлаган.

Президент қарорига мувофиқ, Ўзбекистонда кўчмас мулкни оммавий баҳолаш тизими жорий этилмоқда. Шу мақсадда тегишли миллий марказ ташкил этилди. 

Кўчмас мулкни оммавий баҳолаш тизими босқичма-босқич амалга оширилади: 2025−2026 йилларда — тажриба тариқасида Тошкент шаҳрида, 2026−2027 йилларда — Нукус ва вилоят марказларида, 2027 йилдан — бошқа ҳудудларда.