Эрон Исроилга баллистик ракеталарни учирди

Исроил бўйлаб ҳаво ҳужуми сиреналари янгради, Тел-Авив шаҳрида портлаш овозлари эшитилди.

Фото: Видеодан кадр

Исроил мудофаа кучлари (IDF) 13 июнь куни кечқурун Эрон Исроилга баллистик ракеталарни учирганини эълон қилди.

«Мудофаа тизимлари таҳдидни бартараф этиш устида ишламоқда. Аҳолидан хавфсиз ҳудудларда бошпана топиш ва кейинги огоҳлантиришгача у ерда қолиш сўралади», дейилади IDF баёнотида.

Эрон Исроилга қарата 100 га яқин ракета учирди, деб хабар берди The Times of Israel ҳарбий манбага таяниб.

Исроил бўйлаб ҳаво ҳужуми сиреналари янгради.

Шу билан бирга, Эроннинг ракета ҳужумидан сўнг Тел-Авив шаҳрида портлаш овозлари эшитилди, деб хабар берди Reuters.

Ракета зарбасидан кейин Тел-Авив узра тутун кўтарилди, деб ёзди The Times of Israel.

IDF хабарига кўра, Эрон Исроилга ўнлаб баллистик ракеталарни учирган.

Талофатлар ва қурбонлар ҳақида маълумот берилмади.

Тайёрлаган: Сардор Юсупов

#Эрон #Исроил #ядро келишуви

2025 йил 13 июнга ўтар кечаси Исроил Эроннинг ҳарбий ва ядровий объектларига зарбалар беришни бошлади. Бунга жавобан Теҳрон Исроил устидан бомбалар ёғдирди. 12 кун давом этган уруш, АҚШнинг Эрон ядро объектларига ҳужум қилиши билан якунланди.