Тошкентда савдо корхонасида ёнғин чиқди

Тошкент шаҳар Фавқулодда вазиятлар бошқармаси Олмазор туманида содир бўлган ёнғин тўғрисида маълумот берди.

Қайд этилишича, бугун, 11 июл куни пойтахт ФВБ томонидан видеокузатув камералари орқали Олмазор тумани Уста ширин кўчасидаги «Уз металл» савдо корхонасида ёнғин содир бўлаётгани аниқланган.

Мазкур хабарга асосан, ёнғин қутқарув экипажлари воқеа жойига соат 19:34 да етиб борган ва ёнғинни ўчирган.

Айтилган манзилда корхона ҳудудида қурилиш чиқиндилари 30 метр квадрат майдонда ёниб зарарлангани аниқланган.

«Ёнғин натижасида тан жароҳати олганлар йўқ. Ҳозирда ёнғин сабаби ва зарари аниқланмоқда», - дейилади хабарда.