Ит, мушук, қорамол ва бошқа ҳайвонларни рўйхатга олиш талаблари белгиланди

Қонунга кўра, Ўзбекистон ҳудудида жисмоний ёки юридик шахслар томонидан сақланадиган ва (ёки) кўпайтириладиган ҳайвонлар белгиланган тартибда идентификация қилиниши ҳамда рўйхатга олиниши керак.

Ветеринария ва чорвачиликни ривожлантириш қўмитаси мазкур соҳада ваколатли давлат органидир.

Қонунда ҳайвонларни идентификация қилиш ва рўйхатга олишнинг қуйидаги муддатлари белгиланган:

- қорамол, кўй, эчки ва туя – туғилганидан 14 кундан кейин;

- от – туғилганидан 4 ойдан кейин;

- чўчқа – туғилганидан 1 ойдан кейин;

- ит ва мушук – туғилганидан 3 ойдан кейин.

Бунда ҳайвонлар кўрсатилган муддат тугаганидан кейин 1 ойдан кечиктирмай идентификация қилиниши ва рўйхатга олиниши керак.

Сақлаш ва (ёки) кўпайтириш мақсадида Ўзбекистонга олиб кириладиган ҳайвонлар олиб кирилган санадан эътиборан 21 кундан кечиктирмай идентификация қилиниши лозим.