Вучич Сербияда фавқулодда ҳолат жорий этилмаслигини маълум қилди

Сербия президенти Александр Вучич мамлакатдаги оммавий намойишларга жавоб тариқасида фавқулодда ҳолат жорий этилмаслигини билдирди. Бу ҳақда РТС  телерадиокомпанияси хабар берди.

«Бизда қонунга мувофиқ кўришимиз мумкин бўлган кўплаб чоралар бор, бу - энг сўнгги чора ҳисобланади. Биз бу чорани кўриб чиқмадик ва кўриш ниятида эмасман»,— деди Сербия президенти фуқароларга мурожаатида.

Шу билан бирга, у мамлакатда тартиб ўрнатиш учун қатъий ҳаракатлар амалга оширилишини таъкидлади. Александр Вучичнинг сўзларига кўра, агарда кескин чоралар кўрилмаса, «бир неча кун ичида қотилликлар авж олиши мумкин».

Сўнгги кунларда Сербия бўйлаб тартибсизликлар юз бермоқда. Мухолифат сиёсий партиялар биноларига ҳужум уюштирмоқда. Хабарларга кўра, тартибсизликлар чоғида ўнлаб кишилар ҳибсга олинган, полиция ходимлари жароҳатланган.