Тошкентда арзонлаштирилган маҳсулотлар савдоси бошланди

Мустақиллик байрами арафасида аҳолига қулайлик яратиш мақсадида Тошкент шаҳридаги деҳқон бозорларида арзонлаштирилган маҳсулотлар савдоси бошланди.

Фото: Видеодан кадр

Мазкур расталарда маҳаллий ишлаб чиқарувчилардан ташқари Беларус, Покистон, Монголия ва Ҳиндистондан келтирилган мол ҳамда қўй гўштининг турли навлари, шунингдек, вилоятлардан олиб келинган мева, сабзавот ва озиқ-овқат маҳсулотлари кенг танловда тақдим этилмоқда.

Гўшт нархлари 65 минг сўмдан 90 минг сўмгача белгиланган.

Ушбу ташаббус аҳолининг кундалик эҳтиёжларини қондириш, бозор нархларини барқарорлаштиришга қаратилган.