Хавер Милей сайловолди митингида тошбўрон қилинди

Намойишчилар Аргентина президентига сайловолди ташвиқоти чоғида унинг синглисига қарши коррупция айбловлари туфайли ҳужум қилди.

Фото: Juan Mabromata/AFP

Аргентина президенти Хавер Милей мамлакат пойтахти Буэнос-Айрес жанубида жойлашган Ломас-де-Самора шаҳрида сайловолди тадбири чоғида тошбўрон қилинди. Бу ҳақда Аргентина давлати раҳбари матбуот котиби X ижтимоий тармоғида маълум қилди.

Қайд этилишича, Милей жабрланмаган, уни хавфсизлик ходимлари олиб кетган. AFP тушунтирганидек, воқеа президентнинг синглиси ва ходими Карина Милей атрофида авж олган коррупция можароси фонида юз берган.

Намойишчилар сиёсатчига ҳужум қилганда у синглиси билан машинада бўлган. Бу машина ва унга ҳамроҳ бўлган машиналарга тошлар, ўсимликлар ва шишалар билан ҳужум қилинган, деб ёзади AFP.

Милей воқеа жойини тарк этгач, унинг тарафдорлари ва рақиблари ўртасида жанжал келиб чиққан. Таъкидланишича, Милейнинг камида бир тарафдори қовурғасидан жароҳат олган ва тез ёрдам машинасида олиб кетилган.

Тайёрлаган: Отабек Матназаров

#Аргентина #Хавер Милей