Демократлар Трампнинг Эпштейнга юборган эҳтимолий откриткасини эълон қилди

Вакиллар палатасининг назорат қўмитаси Жеффри Эпштейннинг 50 йиллик таваллуд куни албомининг нусхасини олди. Унда гўёки Доналд Трамп имзолаган откритка бор. Оқ уй буни рад этди.

Фото: Allison Bailey/NurPhoto/picture alliance

8 сентябр, душанба куни АҚШ Конгресси Вакиллар палатасининг Демократик партияси аъзолари АҚШ президенти Доналд Трамп томонидан имзоланган ва молиячи Жеффри Эпштейнга 20 йилдан кўпроқ вақт олдин юборилгани даъво қилинган откритка суратини чоп этди.

"Биз Трампдан Жеффри Эпштейнга туғилган куни муносабати билан юборилган хатни олдик, президент бундай хат бўлмаганини айтди. Трамп иккаласининг "ажойиб сир"и борлиги ҳақида ёзди. У нимани яширмоқда, ҳужжатларни эълон қилинг (Эпштейн иши бўйича)", - дея изоҳ берди демократлар.

Почта карточкасида аёл танасининг схематик силуэти тасвирланган бўлиб, унинг устида «Жеффри» ва «Доналд» ўртасидаги диалог ёзилган. У шундай ибора билан тугайди: «Туғилган кунингиз билан — ва ҳар куни янги ажойиб сир бўлсин».