Volkswagen сунъий интеллектга 1,2 млрд доллар инвестиция киритади

Компания 2030 йилнинг охиригача бўлган муддатда сунъий интеллектни қўллаш учун 1 млрд евро (1,2 млрд доллар) пул тикади. Бунинг ҳисобига сунъий интеллект Volkswagen’нинг ҳар бир йўналишига кириб боради ва миллиардларни тежашга хизмат қилади. Бу ҳақида 9 сентябр куни немис компаниясининг ўзи маълум қилган.

Фото: CNBC

Мюнхен шаҳрида шу кунларда IAA - (It’s all about mobility) кўргазмаси бўлиб ўтмоқда. Тадбирнинг очилиш маросими 9 сентябр куни тонгда ўтказилган. Унда қатнашган Европанинг гигант автомобил ишлаб чиқарувчилари Хитойнинг минтақадаги ўрнини қирқиш учун бир ёқадан бош чиқаришни гаплашишди.

Volkswagen инвестициялари СИ томонидан қўллаб-қувватланадиган автомобилларни ишлаб чиқиш, саноат иловалари ва юқори самарали IT инфратузилмасини кенгайтиришга йўналтирилади, компания баёнотида айтилишича, кутилаётган тежамкорлик 2035 йилга келиб 4 миллиард еврони ташкил этиши керак.

Немис компанияси Хитой ва Германиянинг иккита асосий бозорида чуқур ўзгаришларни бошдан кечирмоқда, чунки Volkswagen янги моделлар устида ишлашга қайтяпти ва Германия бозори учун катта харажатларни қисқартириш бошланган.

Якшанба куни Volkswagen янги кичик электр йўлтанламас автомобили ID.CROSS концептини тақдим этди, бу арзон аккумуляторли транспорт воситаларини таклиф қилиш ташаббусининг бир қисмидир.

Volkswagen СИ янги автомобил моделлари ва технологияларини ишлаб чиқиш жараёнини сезиларли даражада тезлаштиришини айтмоқда.

“Биз учун сунъий интеллект юқори тезлик, сифат ва рақобатбардошликнинг калитидир – автомобил ишлаб чиқаришдан тортиб то ишлаб чиқаришгача бўлган барча қиймат занжири бўйлаб уни жорий қиламиз”, деди компаниянинг IT-ижрочи директори Ҳауке Старс.

Мюнхендаги кўргазма эса 14 сентябрга қадар давом этади.