Тошкент катта ҳалқа автомобил йўлида автомобил ёниб кетди

Юнусобод туманида автомобилда содир бўлган ёнғин тўғрисида маълумот тақдим этилди.

Фото: Видеодан кадр

Жорий йилнинг 9 сентябр куни соат 16:30 да Тошкент шаҳар Юнусобод тумани, Тошкент катта ҳалқа автомобил йўлида автомобил ёнаётгани тўғрисида ФВБга хабар келиб тушган.

Шунга кўра, ёнғин-қутқарув техникалари айтилган манзилга соат 16:35 да етиб бориб, ёнғин соат 16:45 да ўчирилган.

Ёнғин оқибатида тан жароҳати олганлар тўғрисида хабар келиб тушмади.

Ҳозирда ёнғин сабаби ва келтирилган моддий зарар миқдори аниқланмоқда.