Уиткофф манфаатлар тўқнашуви туфайли ўз компаниясидаги улушини сотди

Bloomberg агентлигининг қайд этишича, Уиткофф SpaceX, Reddit, Cisco, Uber, хеж-фондлар, криптовалюта ва бошқа йўналишларга ҳам сармоя киритган.

Фото: Shutterstock

АҚШ президентининг махсус вакили Стив Уиткофф кўчмас мулкларни бошқарувчи компаниясидаги улушини 120 млн долларга сотди, деб хабар берди Bloomberg.

The Witkoff Group LLC компанияси томонидан сотилган портфелга Лос-Анжелес, Майами-Бич, Уэст-Палм-Бич ва Ню-Йоркдаги ҳашаматли кўчмас мулклар киради.

Bloomberg агентлигининг қайд этишича, Уиткофф шунингдек, SpaceX, Reddit, Cisco, Uber, хеж-фондлар, криптовалюта ва бошқа йўналишларга ҳам сармоя киритган.

Уиткофф манфаатлар тўқнашувидан қочиш учун The Witkoff Group компаниясидаги улушидан фориғ бўлган.

68 ёшли Стив Уиткофф The Witkoff Group компаниясини 1997 йилда ташкил қилганди. Компания дастлаб кўчмас мулклар сотиб олиш билан шуғулланган бўлса, кейинчалик қурилиш соҳасида ҳам фаолият юрита бошлаган.

Уиткофф бу йил Россияга беш марта борди ва президент Владимир Путин билан учрашди. У Москвада охирги марта август ойида бўлган, шундан кейин Аляскада Путин ва Трамп учрашуви ўтказилганди.

Тайёрлаган: Kun.uz Admin

#Стивен Уиткофф