Сайрам кўчасида кўп қаватли уй худудида ёнғин юз берди

Мирзо Улуғбек туманида содир бўлган ёнғин тўғрисида маълумот тақдим этилди.

Фото: ФВБ

Кеча, 17 сентябр куни соат 11:24 да Тошкент шаҳар, Мирзо Улуғбек тумани, “Сайрам” МФЙ, Сайрам кўчасида кўп қаватли уйнинг худудида ёнғин рўй берганлиги тўғрисида ФВБга хабар қилинган.

Шунга кўра, ёнғин-қутқарув экипажи соат 11:29 да воқеа жойига етиб борган ва ёнғин соат 11:36 да ўчирилган.

Ёнғин натижасида аниқланишича, кўп қаватли уйнинг ҳудудида бўлган 5 кв м майдонда пенопласт қолдиқлари ёнган.

Айтилган манзилдаги ёнғин "Акай city" ҳудудида содир бўлмагани маълум қилинди.

Ёнғин оқибатида тан жароҳати олганлар йўқ.