Тошкентда Сербия элчисининг ишонч ёрлиқлари қабул қилинди

27 октябр куни Ўзбекистон ТИВ раҳбари Бахтиёр Саидов Сербиянинг Ўзбекистондаги янги тайинланган фавқулодда ва мухтор элчиси Момчило Бабичнинг ишонч ёрлиқларини қабул қилди. Томонлар сиёсий, иқтисодий, маданий ва бошқа соҳаларда дўстлик ва ҳамкорликни янада мустаҳкамлашга тайёр эканини билдирди.

Фото: ТИВ

Ташқи ишлар вазири Бахтиёр Саидов янги элчи Момчило Бабичдан ишонч ёрлиқларини қабул қилар экан, Ўзбекистон–Сербия кун тартибида савдо-иқтисодий алоқаларни кенгайтириш, инвестиция лойиҳалари ва маданий–гуманитар алмашинувларни фаоллаштириш масалалари муҳокама қилинди. Вазир учрашув тафсилотларини ижтимоий тармоқлардаги расмий саҳифаларида ҳам ёритди.

Маълумот учун, 2025 йил ёзида Ўзбекистон илк бор Сербиядаги элчисини тайинлагани икки томонлама муносабатларни институционал даражада мустаҳкамлашга хизмат қилмоқда.

Сербиянинг Ўзбекистондаги элчиси минтақа бўйича Москва шаҳридаги элчихона орқали ҳам аккредитацияланган дипломатлар таркибида қайд этилган.