Қўшимча функционаллар
-
Тунги кўриниш
Долларнинг расмий курси 12 минг сўмдан пасайди
АҚШ долларининг сўмга нисбатан расмий курси 12 минг сўмлик психологик чегарани бузиб, 11 990,53 сўмгача тушди. Йил бошидан бери доллар 914 сўмга арзонлашиб, миллий валютанинг қадри 7,1 фоизга ошди.
Фото: Kun.uz
Ўзбекистон Марказий банки АҚШ доллариинг сўмга нисбатан расмий қийматини 30 октябр учун 11 990,53 сўм деб белгилади.
Бу – 2023 йил 10 августда рўй берган кескин девалвациядан кейинги давр учун янги минимум кўрсаткич. Ўшанда курс бир кунда 408 сўмга кўтарилиб, 11 667 сўмдан 12 075 сўмга етганди.
29 октябр куни тижорат банкларидан АҚШ долларини 12 020 сўмдан бошланадиган курсларда сотиб олиш мумкин бўлди. Банклар томонидан Америка валютасини харид қилишнинг энг қиммат курси эса 11 990 сўмни ташкил этди.
Йилнинг илк кунида амалда бўлган Марказий банкнинг расмий курси 12 904,91 сўм эди. Шундан бери доллар 914 сўмга арзонлашиб, миллий валютанинг қадри 7,1 фоизга мустаҳкамланди.
