Apple Magic Mouse’га ҳақиқий рақобатчи пайдо бўлди

Япониянинг Melt Interface компанияси янги Melt Mouse сенсорли сичқончасини намойиш этди. Янги қурилма дизайн ва қулайлик жиҳатидан Apple Magic Mouse’дан анча устун ҳисобланади.

Melt Mouse’нинг энг катта афзаллиги — у заряд олаётганда ҳам ишлайди, яъни энди уни “тескари қилиб қўйиш” шарт эмас. Сичқонча мат сенсор панелга эга бўлиб, у бармоқ изларини қолдирмайди ва суюқ ҳаракатни таъминлайди. Анъанавий “черт” товуши ўрнига у вибрация орқали босим ҳиссини тақдим этади, бу эса иш жараёнини жим ва қулай қилади.

Қурилма ичига жойлаштирилган рақамли Numpad панели 12 та ёритилган нуқта орқали рақам ва белгиларни намоён этади. Шу билан бирга, сичқонча эргономик шаклга, USB-C порти, 6000 DPI сезгирлик даражаси ва бир ойгача автоном ишлаш имкониятига эга. Шунингдек, у бир вақтнинг ўзида учта қурилмага уланиши мумкин (Bluetooth LE орқали).

Narxi — 280 доллар, сотувлар 2026 йил сентябрда бошланади.

Рақамли дунёда адашиб қолмаслик ва шундай янгиликлардан биринчилардан бўлиб хабардор бўлиш учун KUN.UZ Texnologiya номли Telegram va techno.kun.uz Instagram саҳифасини кузатиб боринг.