Темирйўл транспортидан фойдаланувчилар сони бир йилда қарийб 1 млнга кўпайди

Миллий статистика қўмитаси маълумотларига кўра, 2025 йилнинг январ–сентябр ойларида темирйўл транспортида 8,1 миллиондан зиёд йўловчи ташилган.

Расмий маълумотга кўра, ушбу кўрсаткич 2024 йилнинг шу даврига нисбатан 957,2 минг нафарга ошган.

Шунингдек, ҳисобот даврида темирйўл транспорти орқали бир кунда ўртача 29,8 минг нафар йўловчи ташилгани қайд этилган.

Кузатилаётган ўсиш темирйўл инфратузилмасини янгилаш, қатновлар қулайлигини ошириш ва аҳолининг темирйўл транспортига бўлган ишончи ортиб бораётганидан далолат сифатида баҳоланмоқда.