Ҳафта давомида илиқ об-ҳаво сақланиб туради

Ўзбекистонда ҳафта бошида ҳарорат +19…+22 даража атрофида бўлади. Чоршанбадан ҳаво бироз пасайиб (+15…+18), баъзи жойларда ёмғир, баланд тоғли ҳудудларда қор ҳам ёғиши мумкин. Кечалари ҳарорат +3…+8 даражани ташкил этади.

Фото: Kun.uz

Ўзбекистонда ҳафтанинг ўрталарига бориб ҳарорат сезиларли бўлмаган даражада пасаяди ва республика ҳудудининг асосий қисмида +15…+18 даража атрофида бўлади.

Ўзгидромет хабарига кўра, душанба ва сешанба кунлари ҳарорат кундузи +19…+22 даража атрофида бўлади. Чоршанбадан эса ҳарорат асосан кечалари +3…+8 даражани ташкил этади.

Бу кунларда ёғингарчилик кутилмайди. Фақат 19–20 ноябр кунлари республиканинг тоғли ҳудудларида айрим жойларда ёмғир, баланд тоғли ҳудудларда қор ёғиши мумкин.

Шарқдан бироз майин шамол эсиб туради.

Тошкент шаҳрида ёғингарчилик кутилмайди. Ҳаво ҳарорати 17–18 ноябр кунлари кундузги вақтларда +19…+21 даражагача кўтарилади, 19–21 ноябр кунлари кундузи ҳарорат +16…+18 даража атрофида бўлади, кечалари +6…+8 даражагача пасаяди.