Қўшимча функционаллар
-
Тунги кўриниш
АҚШ Венесуэлада қўллаган “сирли қурол” тафсилотлари маълум қилинди
NYP хабарига кўра, ушбу қурол таъсирига тушганларнинг бурнидан қон келган, кўнгли айниган ва ҳолсизланиб қолишган.
АҚШ Венесуэла президенти Николас Мадурони ўғирлаб кетиш чоғида қўллаган “сирли қурол” интенсив товуш тўлқинига ўхшайди, деб ёзади New York Post.
"Улар ниманидир ишга туширишди, буни қандай тасвирлашни билмайман. У интенсив товуш тўлқинига ўхшарди. Бирдан бошим ёрилиб кетаётгандек бўлди", — деган нашр суҳбатлашган гувоҳлардан бири.
Бундан ташқари, NYP хабарига кўра, ушбу қурол таъсирига тушганларнинг бурнидан қон келган, кўнгли айниган ва ҳолсизланиб қолишган.
"Биз ерга йиқилдик, қимирлашга мажолимиз қолмади. Ушбу товушли қуролдан кейин ўрнимиздан туролмай қолдик", — деган гувоҳ.
Аввалроқ АҚШ президенти Доналд Трамп New York Post нашрига берган интервюсида америкалик ҳарбийлар Венесуэлада сирли қуролдан фойдаланишганини айтган, уни "дискомбобулятор" деб атаганди.
3 январ куни АҚШ Венесуэла пойтахти Каракасга зарбалар берди ҳамда президент Николас Мадуро ва унинг рафиқасини мамлакатдан олиб чиқиб кетди. Улар ҳозирда Бруклиндаги тергов изоляторида сақланмоқда.
