Украина ўз ерларини бериб қўймайди – Зеленский

Зеленскийнинг сўзларига кўра, хавфсизлик кафолатлари тўғрисидаги ҳужжат тайёр бўлган. АҚШдан уни имзолаш санаси ва жойи ҳақида хабар кутилмоқда.

Фото: president.gov.ua

Киев ва Москва ўртасидаги музокараларда муаммоли масалалар жуда кўп, деди Украина президенти Володимир Зеленский.

Зеленский ҳудудлар бўйича позицияси ўзгармаганини таъкидлади. Унинг сўзларига кўра, Украина ўз ерларини бериб қўймайди ва муроса йўлини топиш зарур.

«Хавфсизлик кафолатлари тўғрисидаги ҳужжат 100 фоиз тайёр, АҚШдан уни имзолаш санаси ва жойи ҳақида хабар кутяпмиз», — деди Украина президенти.

Аввалроқ Бирлашган Араб Амирликларида Россия, АҚШ ва Украина ўртасида уч томонлама музокаралар бўлиб ўтганди.

Зеленскийнинг сўзларига кўра, музокараларда Америка томони низони бартараф қилиш ва зарур хавфсизлик шартлари параметрларини тасдиқлашнинг эҳтимолий шакллари тўғрисидаги масалани кўтарган.

Тайёрлаган: Дилшодбек Асқаров

#Россия #Украина #Володимир Зеленский