Ўзбекистон аҳолиси 38,2 миллиондан ошди

Миллий статистика қўмитаси эълон қилган расмий маълумотларга кўра, Ўзбекистонда аҳоли сони барқарор ўсишда давом этмоқда. 2026 йил бошига келиб мамлакат аҳолиси 38,2 миллиондан ошиб, демографик ўсиш суръатлари сақланиб қолгани қайд этилди.

Ҳудудлар кесимида аҳоли сони энг юқори бўлган вилоятлар қуйидагича:

• Самарқанд вилояти — 4 379,8 минг киши;
• Фарғона вилояти — 4 223,0 минг киши;
• Қашқадарё вилояти — 3 717,0 минг киши;
• Андижон вилояти — 3 521,8 минг киши;
• Наманган вилояти — 3 190,8 минг киши.

Шунингдек, йирик аҳолига эга ҳудудлар қаторида:

• Тошкент шаҳри — 3 178,1 минг киши;
• Тошкент вилояти — 3 160,7 минг киши;
• Сурхондарё вилояти — 3 011,0 минг киши қайд этилган.

Қолган ҳудудларда эса аҳоли сони қуйидагича:

• Бухоро вилояти — 2 107,0 минг;
• Хоразм вилояти — 2 069,2 минг;
• Қорақалпоғистон Республикаси — 2 053,2 минг;
• Жиззах вилояти — 1 566,9 минг;
• Навоий вилояти — 1 111,9 минг;
• Сирдарё вилояти — 946,3 минг киши.

Аҳоли сонининг ўсиши мамлакатда ижтимоий-иқтисодий жараёнлар, меҳнат бозори, таълим ва соғлиқни сақлаш тизимига бўлган талабни янада оширмоқда.