Қўшимча функционаллар
-
Тунги кўриниш
Жалол Қурбонов иқтисодиёт ва молия вазири ўринбосари этиб тайинланди
Ўзбекистон президенти қарорига мувофиқ, Жалол Жабборович Қурбонов иқтисодиёт ва молия вазирининг комплаенс ва коррупцияга қарши ички назорат бўйича ўринбосари лавозимига тайинланди. У шу муносабат билан президент администрацияси канцелярияси мудири вазифасидан озод этилди.
Ўзбекистон президентининг қарори билан Жалол Жабборович Қурбонов Ўзбекистон Иқтисодиёт ва молия вазирлигида комплаенс ва коррупцияга қарши ички назорат бўйича вазир ўринбосари лавозимига тайинланди.
Қарорга кўра, янги лавозимда у вазирлик тизимида комплаенс талабларига риоя этилиши, ички назорат механизмларини такомиллаштириш, коррупция хавф-хатарларини барвақт аниқлаш ва олдини олишга қаратилган ишлар самарадорлигини кучайтириш йўналишлари бўйича фаолият олиб бориши кўзда тутилади.
Шунингдек, соҳада шаффофликни ошириш, манфаатлар тўқнашувининг олдини олиш, хизмат текширувлари ва профилактик чора-тадбирлар тизимини мувофиқлаштириш каби вазифалар ҳам мазкур йўналишнинг муҳим қисми ҳисобланади.
Тайинлов муносабати билан Жалол Жабборович Қурбонов Ўзбекистон президенти администрацияси канцелярияси мудири лавозимидан озод этилди.
