“Энг инновацион ғоя” республика танлови ўтказилади

Қарорга кўра, “Энг инновацион ғоя” танлови давлат олий таълим ташкилотларида ўтказилади ва ғолибларга 100 млн сўм грант ажратилади. Республика босқичи 10 та йўналиш бўйича ташкил этилади. 

Танловнинг умумий мукофот жамғармаси 10 млрд сўм этиб белгиланиб, мазкур маблағ Илм-фанни молиялаштириш ва инновацияларни қўллаб-қувватлаш жамғармаси ҳисобидан қопланади.

Қарорга мувофиқ, 2026 йил 1 сентябрдан олий таълим ташкилотларида “Олийгоҳлар – стартаплар генератори” дастури босқичма-босқич жорий этилади. Дастур доирасида:

• олийгоҳларда IT-парк ва венчур жамғармалар билан ҳамкорликда талабалар акселераторлари ташкил этилади;
• талабалар учун нуфузли халқаро акселераторлар ва университетлар билан стажировка ҳамда алмашинув дастурлари йўлга қўйилади;
• олий таълим ташкилотларига талабалар ва илмий ходимларнинг истиқболли стартап лойиҳаларига инкубация марказлари ва талабалар акселераторлари орқали ҳар бир лойиҳага 20 минг АҚШ долларигача эквивалентда ўз маблағларини инвестиция қилиш ҳуқуқи берилади;
• акселераторларда “стартап менежер” ва “стартап трекер” лавозимлари жорий этилади.