Хитой олимлари ўта юқори аниқликдаги соатни яратди

Асбоб шунчалик аниқки, унда бир сониялик хатолик атиги 30 миллиард йил ичида юзага келиши мумкин.

Фото: Getty images

Хитой илмий-техника университети олимлари стронций атомларида оптик соат ишлаб чиқди. Асбоб шунчалик аниқки, унда бир сониялик хатолик атиги 30 миллиард йил ичида юзага келиши мумкин, бу эса Коинотнинг ёшидан ҳам катта. Экспертларнинг айтишича, асбобнинг пайдо бўлиши секунд ўлчамини қайта кўриб чиқишга олиб келиши мумкин.

Science Alert нашрининг таъкидлашича, дастлаб сония сутканинг 1/86400 улуши деб белгиланган ва бу таъриф аллақачон етарлича аниқ эмас деб топилган.

1967 йилдан бошлаб, Халқаро бирликлар тизимига кўра, секунд - бу цезий-133 атомининг асосий ҳолатининг иккита ўта нозик даражалари ўртасидаги ўтишга тўғри келадиган 9192631770 нурланиш даврига тенг вақт бирлигидир. Аммо стронций атомлари сониясига тахминан 700 миллиард нурланиш даврини бериб, янада юқори аниқликдаги ўзгаришларни таклиф қилади.

Бу замонавий технологик ишланмалар, шу жумладан сунъий йўлдош навигацияси, телекоммуникация ва аниқ ўлчовлар билан талаб қилинади ва физиканинг фундаментал назарияларини текшириш, тортишиш тўлқинларини ҳисоблаш, қора материяни қидириш ва бошқалар учун зарурдир.