«Қамчиқ» довонида юк машинаси ёниб кетди

«Қамчиқ» довонида «Ивеко» юк автомобилида ёнғин содир бўлди. Бу ҳақда ФВВ хабар берди.

Маълумот берилишича, 11 апрел куни соат 15:43 да А-373 автомобил йўлининг «Қамчиқ» довонидан ўтган қисмида «Тошкент-Водий» йўналишида ҳаракатланган «Ивеко» русумли юк автомобилида ёнғин юзага келганлиги тўғрисида «Қамчиқ» махсус қутқарув бошқармасига хабар келиб тушган.

Қутқарув бўлинмаси соат 15:53 да етиб борган ва соат 16:00 да ёнғин ўчирилган.

Ёнғин оқибатида юк автомобилининг салони тўлиқ ва тиркамаси қисман ёниб зарарланган.

Тезкор ҳаракатлар натижасида ёнғиндан юк автомобили тиркамасининг тахминан 90 фоиз қисми сақлаб қолинган.

Ҳодиса оқибатида тан жароҳати олганлар йўқ.