Қўшимча функционаллар
-
Тунги кўриниш
Бу хат қўполлик унсурларига эга — Путин Зеленскийнинг хати ҳақида
Кремл раҳбари бир кун олдин Украина президенти Володимир Зеленский томонидан ўзига ёзилган хат юзасидан фикрларини билдирди. У Зеленскийни сайловга боришга чақириб, ҳозирча у билан учрашишдан маъно кўрмаётганини қайд этган.
Россия президенти Владимир Путин 5 июн куни Петербургда ўтказилаётган Халқаро иқтисодий форум доирасида ахборот агентликлари раҳбарлари билан учрашди.
Кремл раҳбари бир кун олдин Украина президенти Володимир Зеленский томонидан ўзига ёзилган хат ҳақидаги фикрларини айтди.
«Эрталаб Песков узатган бу қоғозга кўз югуртириб чиқдим. Зеленский менинг ёшимни тилга олди, лекин асосийси ёш эмас, балки ишлаш қобилиятидир.
Зеленский сайловга боришдан қўрқмаслиги керак, сайловсиз президентлик лавозимида қолиш ҳокимиятни эгаллаб олиш деб аталади.
Мен ҳеч қачон Зеленский билан учрашишдан бош тортмаганман. Лекин «бўш идишни яна бир бўш идишга бўшатишни» истамайман.
Уч ҳафта олдин бизнес доираларимизнинг бир вакили Киевга бориб, Зеленский билан учрашди. У қайтиб келди ва Зеленский учрашишни сўраганини айтди. Кейин Старобелскка зарба берилди, у ерда болалар ва ўсмирлар ҳалок бўлди.
Бу хат қўполлик унсурларига эга. Ҳозирча Зеленский билан учрашишдан маъно кўрмаяпман», деди Путин.
4 июн куни Украина президенти Володимир Зеленский Россия раҳбарига очиқ мактуб йўллаб, унда Украина Россия учун уруш нархини кескин оширишга қодирлигини айтди ва ҳарбий ҳаракатларни тугатиш учун шахсан учрашишга чақирган эди.
