Ўзбошимчалик билан қурилган уй-жойларга оид қонунчилик янгиланди

Ўзбекистонда ўзбошимчалик билан эгалланган ер участкалари ҳамда уларда барпо этилган уй-жой ва бошқа объектларга бўлган ҳуқуқларни эътироф этиш тартибини такомиллаштиришга қаратилган қонун қабул қилинди. Ҳужжат мазкур соҳадаги ҳуқуқий механизмларни соддалаштириш ва фуқароларнинг мулкий ҳуқуқларини ҳимоя қилишни кучайтиришни назарда тутади.

Қонун билан бир қатор меъёрий-ҳуқуқий ҳужжатларга ўзгартиш ва қўшимчалар киритилди. Унда ўзбошимчалик билан эгалланган ер участкалари ҳамда уларда қурилган бинолар ва иншоотларга бўлган ҳуқуқларни эътироф этиш билан боғлиқ амалдаги тартиб-таомилларни янада такомиллаштириш мақсад қилинган.

Хусусан, ҳуқуқларни эътироф этиш жараёнларидаги айрим бюрократик талаблар қисқартирилиб, ваколатли ташкилотларнинг масъулияти аниқлаштирилди. Шунингдек, фуқаролар томонидан тақдим этиладиган ҳужжатларни кўриб чиқиш ва қарор қабул қилиш жараёнларини соддалаштиришга қаратилган нормалар ҳам киритилган.

Қонунга мувофиқ, айрим ҳолатларда ер участкалари ва уй-жойларга бўлган ҳуқуқларни расмийлаштиришда автоматлаштирилган ахборот тизимларидан кенгроқ фойдаланиш, давлат органлари ўртасидаги маълумот алмашинувини кучайтириш ҳамда аризачилар учун ортиқча оворагарчиликларни бартараф этиш чоралари белгиланмоқда.

Таъкидланишича, янги ўзгартишлар фуқароларнинг кўчмас мулкка бўлган ҳуқуқларини қонуний жиҳатдан мустаҳкамлаш, баҳсли ҳолатларни камайтириш ва мулкни давлат рўйхатидан ўтказиш жараёнларининг очиқлиги ҳамда самарадорлигини оширишга хизмат қилади.

Мутасаддилар фикрича, қабул қилинган қонун аҳолининг уй-жой ва ер муносабатлари соҳасидаги ҳуқуқий кафолатларини янада кучайтириш билан бирга, кўчмас мулк соҳасидаги ҳуқуқий муносабатларни тартибга солишнинг замонавий механизмларини жорий этишга замин яратади.