Полициячиларнинг айтишича, биринчи навбатда “ночордек кўринган одамлар” ҳамда аввал ўғрилик қилишда ушланганлар сўроқ қилинадилар. Агар сўроқ қилинувчилар қимматбаҳо кийимлар уларга тегишли эканини исботлай олмасалар, кийимлар мусодара қилинади.
Ҳукумат вакилларининг айтишича, бундан кўзланган мақсад “ёшларни жиноятчиликдан қайтаришдир”. Полициячиларнинг айтишича, улар шу йўл билан шубҳа уйғотувчи ёшлардан бир неча марта Rolex соатларини мусодара қилишган. Бироқ кийим борасида бундай қилинмаганди. Голландиялик ҳуқуқ ҳимоячилари янги қоидалар давлат қонунчилигига зид эканлигини айтишмоқда.
“Бу қонунда камчиликлар жуда кўп. Мисол учун, полициячилар у ёки бу кийимнинг баҳосини қандай аниқлайдилар? Бу кийим янги эмас, анча кийилган бўлса-чи? Моҳиятан, бизга нимани истасак ўшандай юриш тақиқланмоқда”, деб айтган шаҳар омбудсмени Анна Мике Званевельд.
Унинг айтишича, полиция сўроқ қилмоқчи бўлаётганларни танлашда, биринчи навбатда, хойнаҳой европача кўринишга эга бўлмаганларни танлайди.
“Бу эса фуқаролик эркинликларининг чидаб бўлмас бузилиши бўлади”, деб айтди Званевельд.
