Ҳамюртимиз охирги жангини 2 ноябрда ўтказиб, америкалик Клей Коллардни мағлуб этганди. Бектемир профессионал рингда учта жангда учта муддатдан аввал ғалабага эришиб, Golden Boy ва “Мир Бокса” компаниялари ёрдамида иккинчи ўрта вазнда юқорироқ чўққиларга кўтарилишни истамоқда.
Боксчининг ўзи шартнома имзолаганидан мамнун эканлигини айтган. “Мен телевизор орқали кўплаб катта жангларни кўрганман ва қачондир АҚШ телевидениеси орқали жанглари намойиш қилинувчи боксчилардан бирига айланаман, деб орзу қилганман. Ҳозир менда шундай имконият пайдо бўлди”, деб айтган ўзбекистонлик спортчи.
Golden Boy Promotions’нинг эгаси америкалик машҳур боксчи, бир неча карра жаҳон чемпиони Оскар Де Ла Хойя ҳисобланади. “Биз Бектемир Мелиқўзиевни илгари суриш бўйича “Мир Бокса” билан бирга ишлашдан мамнунмиз. Бу йигит ҳақиқий йиртқич. У кучли, бақувват ва унинг қўл-оёқлари жуда чаққон, айниқса ушбу вазн тоифаси учун”, деб айтган Де Ла Хойя.
