Момақалдироқ бошланганда болалар футбол ўйнашаётган бўлган. Улар ёмғирдан қочиб яқин орада жойлашган сомон томли уйга беркиниб олишган. Кейинроқ уйга чақмоқ уриши оқибатида 10 бола ҳалок бўлган, яна 4 бола куйиш жароҳатлари олган.
Маҳаллий ҳуқуқ-тартибот идораларининг таъкидлашича, Угандада ёмғирлар мавсумида бундай ҳодисалар учраб туради. Воқеа юз берган шаҳарда чақмоқ қайтарувчи мосламалар билан жиҳозланган уйлар деярли йўқ бўлгани сабабли ҳар йил бир неча киши, жумладан болалар чақмоқ уриши қурбонларига айланади.
