«Fingrid бугун Ҳелсинки округ судига EstLink 2 кабелига етказилган зарарни қоплаш тўғрисидаги даъвосини таъминлаш мақсадида Eagle S дизел кемасини мусодара қилиш учун ариза берди», — дейилади компания 2 январ, пайшанба куни эълон қилган баёнотда.
«Воқеа содир бўлган жойда кейинги текширувлар зарар миқдори ҳақида кўпроқ маълумот беради ва таъмирлашни батафсил режалаштириш имконини яратади», деб қўшимча қилди Fingrid.
Traficom фин агентлиги Eagle S танкерини текширмоқчи
Финландиянинг Traficom транспорт ва алоқа агентлиги ҳуқуқ-тартибот идоралари ходимлари томонидан Эстония ва Финландия ўртасидан ўтган Estlink 2 электр узатиш линиясига зарар етказилгани учун қўлга олинган Eagle S танкерини текширмоқчи, бу ҳақда Финландиянинг STT ахборот агентлиги 30 декабр куни хабар берди.
Унга кўра, Traficom кеманинг рўйхатга олиниши ва унинг халқаро ташиш қоидаларига мувофиқлигини кузатишни режалаштирмоқда.
Агар шубҳа туғилса, танкер қоидабузарликлар тузатилгунга қадар қўлга олиниши мумкин. Текширув полиция тергови рухсат бериши биланоқ амалга оширилади, дея аниқлик киритди dpa агентлиги.
