Таэквондо бўйича Ўзбекистон ёшлар терма жамоаси Тошкентда ўтказилаётган жаҳон чемпионатида илк олтин медални қўлга киритди.
-48 кг вазн тоифасидаги Ёсинбек Одилов финалда Ўмон вакили Довуд Ал-Юсуфий билан баҳс олиб борди ва 2:0 (5/1, 11/9) ҳисобида ғалаба қозонди.
Натижада ўзбекистонликларнинг мусобақадаги медаллари сони иккитага етди. Аввалроқ, +78 кг вазн тоифасида Алишер Пак кумуш медални қўлга киритган эди.
Жаҳон чемпионати 17 апрелгача давом этади.
