Қашқадарё вилоятига янги прокурор тайинланди

Вилоятнинг олдинги прокурори Салом Самадов Бош прокурорга ўринбосар бўлганди.

Бош прокурорнинг буйруғига асосан адлия катта маслаҳатчиси Бектош Раҳимович Сойипов Қашқадарё вилояти прокурори лавозимига тайинланди.

Адлия катта маслаҳатчиси Бектош Сойипов 2016 йилгача Жиззах вилояти Зомин тумани прокурори бўлган, кейинроқ Жиззах вилояти прокурорининг биринчи ўринбосари лавозимида ишлаган, 2021 йил мартидан Бухоро вилояти прокурорининг биринчи ўринбосарига айланган.

2022 йил февралида Наманган вилояти прокурори лавозимига тайинланганди.

2022 йил августидан бери Қашқадарё вилояти прокурори сифатида ишлаб келган Салом Самадов 2023 йил феврал ойида бош прокурор ўринбосари лавозимига тайинланганди.