Иккинчиси. Трамп ва Путин Вьетнамда учрашади

Фото: ТАСС

АҚШ президенти Доналд Трамп Осиё бўйлаб турнеси давомида турли хил учрашувлар ўтказмоқда.

Бугун жаноб Трамп Жанубий Кореядаги сафарини якунлаб, Хитойга йўл олди. Маълум бўлишича, АҚШ президенти россиялик ҳамкасби Владимир Путин билан иккинчи марта учрашиши айнан Осиё турнесига тўғри келиши мумкин.

Вьетнамда 8-11 ноябрь кунлари АРEC (Осиё-Тинч Океани давлатларининг иқтисодий ҳамкорлик ташкилоти) йиғилиши ўтказилади. Трамп ва Путин айнан мана шу ушбу саммит доирасида учрашиши кутилмоқда. АҚШ томон бу учрашувнинг ташаббускори ҳисобланади ва Россия томон бунга қарши эмас.

«Биз АҚШ томонининг бу учрашувни ташкиллаштирмоқчи эканидан хабаримиз бор. Президент Путин бунга қарши эмас ва бундан америкаликлар хабардор»,- деган Россия ташқи ишлар вазири Сергей Лавров.