Москвадаги кўп қаватли уйлар ва шаҳардаги ҳовлилар дронлар ҳужумидан кейин қандай кўринишда — фотосуратлар

30 май куни Россия пойтахти ва Москва областида бир неча дронлар қулади.

Учта турар жой биноси — Москва шаҳридаги Ленинский проспекти ва Профсоюзная кўчасидаги, шунингдек Новая Москвадаги Атласова кўчасидаги уйлар — 30 май куни дронлар зарбасига учради. Шаҳар расмийлари бинолар кичик шикастланишга учрагани, «ҳеч ким жиддий жароҳат олмагани»ни маълум қилган. Шунга қарамай, Москва мэри Сергей Собяниннинг сўзларига кўра, икки киши тиббий ёрдам сўраб мурожаат қилган, дронлар келиб урилган уйлардаги бир қанча подъездлар аҳолисини эса вақтинча кўчиришга тўғри келган. Дронлар ҳужуми факти бўйича РФ ЖКнинг 205-моддаси (террорчилик акти) асосида жиноий иш очилган.