Тожикистонда енгил автомобилнинг велосипедчилар гуруҳини уриб кетиши оқибатида тўрт нафар хорижлик сайёҳ ҳалок бўлди. Бу ҳақда РИА Новости маҳаллий ҳукуматга асосланиб хабар бермоқда.
Агентлик маълумотларига кўра, ҳалок бўлган туристларнинг икки нафари АҚШ фуқароси бўлган.
Қайд этилишича, йўл-транспорт ҳодисаси оқибатида яна уч киши жароҳат олди.
Велосипедчиларга келиб урилган машинанинг ҳайдовчиси воқеа жойидан қочиб кетган. Ҳайдовчини қидириш ва қўлга олиш учун махсус бригада ташкил этилди.