«Тошкент-Марказий» темирйўл вокзалидан аксарият поездлар ҳаракати 1 ой тўхтатилади
Поездлар қатнови «Тошкент-Жанубий» темирйўл вокзалидан амалга оширилади. Йўловчилар учун «Тошкент-Жанубий» темирйўл вокзалига олиб борадиган бепул автобуслар қатнови йўлга қўйилади.
![](https://storage.kun.uz/source/10/I5qIWZPFi645zIsG1nkbIHZ6CUx73CKA.jpg)
Фото: Транспорт вазирлиги
“Тошкент-Марказий” (Шимолий) вокзали орқали ҳаракатланувчи деярли барча поездлар 15 июлдан 15 августгача “Тошкент-Жанубий” вокзалдан жўнайди. Бу ҳақда Транспорт вазирлиги хабар берди.
Маълум қилинишича, “Тўқимачи” ҳамда “Тошкент йўловчи” бекатлари оралиғидаги темирйўлда таъмирлаш ишлари олиб борилади.
Шу боис “Олма-ота–Тошкент–Олма-ота”, “Тошкент–Новосибирск–Тошкент”, “Тошкент–Самара–Тошкент” йўналишида ҳаракатланадиган йўловчи поездлари ҳамда “Тошкент–Ҳожикент–Тошкент” шаҳарлараро поездларидан ташқари бугунги кунда “Тошкент-Марказий” темирйўл вокзалидан қатновини амалга ошириб келаётган барча йўловчи поездлар “Тошкент-Жанубий” вокзалдан ўз ҳаракатини бошлайди.
Жумладан, бир ой мобайнида юқори тезликда ҳаракатланувчи “Афросиёб” электропоездлари, “Шарқ”, “Насаф” ҳамда “Тошкент–Андижон–Тошкент”, “Тошкент–Волгоград–Тошкент”, “Душанбе–Тошкент–Душанбе” йўловчи поездлари “Тошкент-Жанубий” вокзал ҳудудидан рейсларини амалга оширади.
“Тошкент-Марказий” ҳамда “Тошкент-Жанубий” вокзалларидаги барча чиптахоналар тун-у кун фаолият кўрсатади. Бундан ташқари, чипталарни электрон тарзда ҳам олиш мумкин.
Шунингдек, бир ой мобайнида “Тошкент-Марказий” вокзалидаги чиптахоналардан поезд жўнашидан олдин чипта харид қилган ёки янглишиб Марказий вокзалга келиб қолган йўловчиларни “Тошкент-Жанубий” вокзалга олиб бориш учун вақтинча бепул автобуслар ҳам қўйилади.
Мавзуга оид
![](https://storage.kun.uz/source/thumbnails/_medium/10/WTQQGCFnRk6NbvNBUYEWPi3O9kg4Saj2_medium.jpg)
12:05 / 13.08.2024
Тошкент Марказий вокзали иши 16 августдан тикланади
![](https://storage.kun.uz/source/thumbnails/_medium/10/dP1DMjkwaFOHZ4JSwMr5p8VvjV99s8rU_medium.jpg)
17:33 / 06.08.2024
Сурхондарёда поезд билан тўқнашган Lacetti ҳайдовчиси вафот этди
![](https://storage.kun.uz/source/thumbnails/_medium/10/x5x2pVyBOQDB5ZIQnUA8QCwwjVU3MP2B_medium.jpg)
14:14 / 02.08.2024
РФнинг Перм вилоятида йўловчи поезди юк машинаси билан тўқнашди
![](https://storage.kun.uz/source/thumbnails/_medium/10/VuPLjRkkM7Dc4FsoLRgraQgypV6_59Hw_medium.jpg)
09:58 / 30.07.2024