Боку—2017. Ўзбекистонлик учинчи боксчи ҳам финалда ғалаба қозонди
Бокуда «Ислом бирдамлик ўйинлари»нинг 18 май кунги мусобақалари бўлиб ўтмоқда. Бугунги беллашувда Ўзбекистон терма жамоасининг 14 нафар вакили спортнинг 5 турида ўз имкониятларини синовдан ўтказмоқда.
Бокс терма жамоасининг финалга чиққан учинчи вакили ҳам олтин медалга эга бўлди.
– 69 кг вазн тоифасида мезбонлар вакили Тамерлан Абдуллаевга қарши рингга кўтарилган Бобо-Усмон Ботуров тўла устунликка эришди. У ҳакамлар қарорига кўра 5:0 ҳисобида ғалаба қозониб, олтин медаль билан тақдирланадиган бўлди.
Бунгача – 56 кг вазн тоифасида Абдулҳай Шораҳматов ҳамда – 64 кг вазн тоифасида Алиёр Норалиев ўз жангларида ғолиб чиқиб, олтин медаль олганди.
Боксчилар терма жамоаси бунгача иккита бронза медаль олганди.
– 49 килограммгача вазнда Мироншоҳ Иброҳимов ярим финалда суриялик Хуссин ал-Масрийга 1:4 ҳисобида ютқазганди.
– 52 килограмм вазн тоифасида иштирок этган Аброржон Қодиров ярим финалда марокашлик Абдулали Дараага 1:4 ҳисобида енгилди ва бронза медали билан чекланди.
Маълумот учун, Ўзбекистон бокс терма жамоаси Бокуга 9 нафар боксчи билан жўнаб кетганди. Уларнинг 4 нафари: Улуғбек Дўстмуродов (-60 кг), Маҳмуд Ғоипов (-75 кг), Мадиёр Саидраҳимов (-81 кг) ва Сардор Бегалиев (-91 кг) медаллар учун курашдан чиқиб кетганди.
Мавзуга оид
15:22 / 21.11.2024
Бокудаги COP29: иқлим ўзгаришига мослашиш харажатларини ким тўлайди?
20:10 / 12.11.2024
Зироат Мирзиёева Бокуда ёшларнинг иқлимга оид ташаббусларини кенг қўллаб-қувватлашга чақирди
12:50 / 22.07.2024
Боку: Россиядан газнинг Украина орқали кейинги транзити давом этиши мумкин
08:41 / 11.12.2023