Андижон вилояти ҳокимига янги ўринбосар тайинланди

Андижон вилояти ҳокимининг ўринбосари — вилоят инвестициялар, саноат ва савдо бошқармаси бошлиғи лавозимига Илҳом Собиров тайинланди. 

Илҳом Собиров 1974 йилда Андижон вилоятининг Шаҳрихон туманида туғилган. 1996 йилда Тошкент тўқимачилик ва енгил саноат институтини, 2003 йилда Гулистон давлат университетини, 2006 йилда Ўзбекистон президенти ҳузуридаги Давлат ва жамият қурилиш академиясини тамомлаган.

Меҳнат фаолияти давомида “Ўзпахтасаноат” АЖда бош техник, мутахассис, бош муҳандис, бўлим бошлиғи ўринбосари, Вазирлар Маҳкамасида шуъба мудири каби лавозимларда ишлаган.

Ушбу лавозимига тайинлангунига қадар “Ўзчармсаноат” уюшмаси стандартлар ва инновацияларни жорий қилиш ҳамда грантларни жалб қилиш бўлими бошлиғи лавозимида фаолият юритиб келаётган эди.

У янги лавозимида Ботиржон Ҳамроев ўрнини эгаллади, у 2019 йилдан буён вилоят ҳокими ўринбосари сифатида фаолият олиб бораётганди.