400 мингдан ортиқ киши ўз номига кредит ажратилишини тақиқлади

2026 йил 1 январ ҳолатига, “Кредитга тақиқ” хизматидан фойдаланиб кредит олишни ўзига ўзи ман этган жисмоний шахслар сони 438 322 нафарни ташкил этди. Улардан 33 фоизи – аёллар.

my.gov.uz сайтидан скриншот

Шундай 292 722 нафари (67 фоиз) – эркаклар, 145 600 нафари (33 фоиз) – аёллар. Бу ҳақда Кредит-ахборот таҳлилий маркази маълум қилди.

Ўзбекистонда “Кредитга тақиқ” хизмати – одамлар фирибгарликка учрашидан қўшимча ҳимоя ва молиявий интизомга кўмаклашувчи чора сифатида, 2025 йил июн ойида ишга туширилган.

Kun.uz аввалроқ кредит олишга тақиқни қандай қилиб осон фаоллаштириш ва ўчириш мумкинлиги ҳақида маълумот берганди.