Бахт қадрига етишни ундан ўрганинг: Ник Вуйчич 35 ёшда

Фото: Facebook/Nick Vujicic

Дунёдаги энг машҳур мотивацион мураббий, инсон имкониятлари нақадар чексиз эканини исботлаб келувчи Ник Вуйчич 4 декабрь куни 35 ёшга тўлди. Серб муҳожирлари оиласидан чиққан Ник Австралияда камёб генетик касаллик билан дунёга келди. Шунинг учун унинг қўллари ва оёқлари йўқ. Шундай бўлса-да, касаллик унга юриш, сузиш, скейтборд ва серфинг тахтасида учиш, компьютер клавиатурасини бошқариш ва ёзишни ўрганишига тўсқинлик қила олмади. У бухгалтерлик ҳисоб-китоби ва молиявий режалаштириш соҳасида таълим олди, аммо унинг ҳақиқий миссияси - сонларни қўшиб айириш эмас, инсонларга илҳом бахш этиш. 1999 йилдан у черковлар, мактаблар ва етимхоналарда нутқ сўзлай бошлаган, одамларга ирода кучи ва ҳаёт мазмуни ҳақида сўзлаган. Бугунги кунга келиб эса, у мактаб заллари эмас, бутун бир стадионларни йиғмоқда. Ник Вуйчич — беш китоб муаллифи, "Капалаклар цирки" фильми қаҳрамони, бахтли умр йўлдоши ва ота. У беш йил аввал Канаэ Мияхар билан оила қурган: ҳозирда жуфтликнинг икки фарзанди бор, яқин орада улар эгизак фарзандли бўлиши кутилмоқда. Ник Вуйчичнинг ҳаёти суратларда...