Фото: Умра зиёратига борувчи ўзбекистонликларга хизмат қилувчи меҳмонхоналар маълум қилинди

Ўзбекистондан Умра зиёратини амалга оширувчи мўъмин-мусулмонлар Маккаи Мукаррама шаҳрида 4 юлдузли Al Kiswah Hotel Towers,  Мадинаи Мунавварада 5 юлдузли Pullman Zamzam Madina Hotel  меҳмонхоналарига жойлаштирилади. Бу ҳақда Дин ишлари бўйича қўмита раисининг ўринбосари Нуриймон Абулҳасан Миллий матбуот марказида ташкил этилган брифингда маълум қилди.

Видео: TasIX

Видео: YouTube

Унинг сўзларига кўра, аввалги йилларда, жумладан 2016 ва 2017 йилларда Макка ва Мадина шаҳарларидаги меҳмонхоналар 2 ва 3 юлдузли бўлиб, Икки Ҳарам масжидлари оралиғидаги масофанинг узоқлиги ҳамда зиёратчиларнинг меҳмонхона ошхонасида овқатланиш имкониятлари замон талабларига жавоб бермаган. 

Эндиликда, Жамоатчилик кенгаши томонидан Умра сафарига бормоқчи бўлган ҳар-бир фуқаро учун тўланадиган маблағ қиймати 5 804 000 сўм (бориш-келиш авиачиптасидан ташқари) миқдорда белгиланиб, сезиларли арзон бўлишига эришилди. Мазкур маблағга Саудия Арабистони Подшоҳлиги расмий визаси, Макка ва Мадина шаҳарларидаги 5 ва 4 юлдузли меҳмонхона, ўзбек ошпазлари томонидан тайёрланадиган таомлар, 24 соатлик бепул тиббий хизмат, Ўзбекистон давлат рамзлари туширилган махсус либос, ибодат қўлланмаси, бейжик, замонавий транспорт ҳамда бошқа зиёрат хизматлари киритилган.

Қуйида ўзбекистонликларга хизмат кўрсатувчи меҳмонхоналар суратларини томоша қилишингиз мумкин.