Қўшимча функционаллар
-
Тунги кўриниш
Forbes Ўзбекистонни энг яхши сайёҳлик йўналишлари рўйхатига киритди
АҚШнинг Forbes журналида 2024 йилда албатта бориб кўриш керак бўлган дунёдаги ажойиб сайёҳлик йўналишларга бағишланган мақола босилди.
Фото: Kun.uz
«Дунё» хабарига кўра, унда Ўзбекистон 2024 йилда саёҳат қилиш учун энг яхши йўналишлар рўйхатига киритилган. Forbes молиявий-иқтисодий журнали ўз ўқувчиларига Ўзбекистонни 2024 йилда ташриф буюриш учун энг яхши жойлардан бири сифатида қайд этиб, республикага саёҳат қилишга тавсия этмоқда.
Мақолада дунёдаги етакчи Lonely Planet сайёҳлик нашри вице-президенти Том Холлнинг қуйидаги сўзлари иқтибос ўрнида келтирилган: «Ўзбекистонда Ипак йўлининг энг яхши сақланиб қолган тарихий обидаларини, шунингдек, ажойиб тоғлар ва истиқболли пойтахти - Тошкентни кўришингиз мумкин».
Шунингдек, мақолада мамлакат ҳудудлари бўйлаб саёҳат қилиш учун қулай ва арзон поезд хизматлари йўлга қўйилгани маълум қилинган. «АҚШдан Ўзбекистонга саёҳат қилувчилар учун Ню-Йорк шаҳридан ҳафтасига бир нечта тўғридан тўғри авиарейслар йўлга қўйилган. Шунингдек, Сеул ва Истанбул орқали ҳам бориш ҳам сайёҳлар учун қулайликлар яратади», - дейилади нашрда.
Forbes Ўзбекистонни 2022 йилда саёҳат қилиш учун энг яхши 50 та ҳудудлар рўйхатига киритган эди.
Мавзуга оид
14:42 / 11.11.2024
Американинг круиз компанияси Трамп сиёсатидан қочишни истаганлар учун дунё бўйлаб 4 йиллик саёҳат таклиф қилмоқда
23:10 / 24.10.2024
2024 йилда чет элга саёҳатга борган ўзбекистонликлар сони маълум қилинди
11:00 / 09.10.2024
Америкалик аёл бор мулкини сотиб, орзусидаги саёҳатга чипта олганди. Аммо унга кемага чиқиш тақиқланди
16:26 / 08.10.2024