Банкдан 500 долларгача нақд валютани паспортсиз олишга рухсат берилади

Амалдаги тартибга кўра, ушбу сумма 100 АҚШ долларини ташкил этади.

Банкдан шахсни тасдиқловчи ҳужжатларсиз 500 долларгача нақд чет эл валютасини олишга рухсат берилади. Адлия вазирлиги ташаббуси билан ишлаб чиқилган бу ҳақдаги идоравий ҳужжат 2026 йил 8 майда давлат рўйхатидан ўтказилди.

Қайд этилишича, энди мижозлар банкдан 500 АҚШ долларигача бўлган нақд чет эл валютасини паспорт, ID-карта ёки уларнинг ўрнини босадиган бошқа ҳужжатларсиз олиши мумкин. Амалдаги тартибга кўра, ушбу сумма 100 АҚШ долларини ташкил этади.

Мазкур тартиб 3 ойдан кейин кучга киради.