Банкларга мижозларга шикастланган банкнота бериш тақиқланди

Бундай банкнота мижозларга берилмасдан, кейинчалик инкассация қилиш/алмаштириш учун банк томонидан муомаладан олиниши лозим.

Фото: Kun.uz

Марказий банк валюта операцияларини амалга ошириш қоидаларига ўзгартириш ва қўшимчалар киритди.

Жумладан, банкларга бироз шикастланган (тешик, доғ, сийқаланган) банкнотларни қайта муомалага чиқаришни тақиқловчи янги банд қўшилди. Бундай купюралар бошқа мижозларга қайта берилмасдан, кейинчалик инкассация қилиш/алмаштириш учун банк томонидан муомаладан олиниши лозим.

Янги меъёрларга кўра, жисмоний шахслар учун валюта операциялари билан боғлиқ имкониятлар кенгайтирилди: энди улар, фуқаролигидан қатъи назар, банк ҳисобварағи орқали бир-бирига шахсий мақсадларда (носавдо тусдаги) пул ўтказмаларини амалга ошириши мумкин.