Зеленский АҚШнинг Венесуэладаги амалиётига муносабат билдирди

Украина президенти Володимир Зеленский АҚШ Венесуэлада президент Николас Мадурони рафиқаси Силия Флорес билан бирга қўлга олиб, мамлакатдан олиб чиқиб кетгани юзасидан муносабат билдиржи.

«Нима ҳам дердим. Агар диктаторлар билан шундай [муомала қилиш] мумкин бўлса, Америка Қўшма Штатлари бундан кейин нима қилиш кераклигини билади», – деди у матбуот анжуманида киноя билан.

Зеленский айнан кимни назарда тутганини очиқ айтмаган. Украинадаги нашрлар эса у Владимир Путинга ишора қилганини айтишмоқда.

Аввалроқ Украина ТИВ раҳбари Андрей Сибига сайловларни сохталаштириш ва намойишчиларга нисбатан куч ишлатилгани туфайли Украина Николас Мадуро режимининг қонунийлигини тан олмаслигини айтганди. «Биз воқеалар халқаро ҳуқуқ тамойилларига мувофиқ, демократия, инсон ҳуқуқлари ва венесуэлаликлар манфаатларига устуворлик берилган ҳолда ривожланиши тарафдоримиз», – деб ёзди у Х ижтимоий тармоғида.