Янги ўқув йилида олий ўқув юртларида ўқиш учун контракт пули ошмайди

Kun.uz мухбири Ўзбекистондаги маҳаллий олий таълим муассасаларида талабалик бахтига муяссар бўлган абитуриентлар, ўқишнинг кейинги босқичида таълимни давом эттираётган талабалар мурожаати асосида 2017/18 йилги ўқув мавсумида ўқишларда тўлов-контракт суммаси қанча бўлиши масаласига қизиқди.

«Жорий 2017/18 йил ўқув мавсумида ОТМ белгиланган тўлов-контракт суммаси ўзгармай қолади, аввалги белгиланган сумма бўйича тўлов-контракт суммаси қабул қилинади. Бу ҳолат фақат давлат имтиҳонлари натижасига кўра етарли балл тўплаб талабаликка тавсия этилган абитуриентларга тегишли бўлиб, кира олмаган, лекин ўқиш истагида бўлганлар учун қўшимча тўлов-контракти белгиланган», — дейди Олий таълим вазирлиги Молия бошқармаси бошлиғи Бузрукхонов Сарвархон.

Эслатиб ўтамиз, 2017/18 йил ўқув мавсумида талабаликка тавсия этилган абитуриентлар жорий йилнинг 15 сентябригача белгиланган сумманинг камида яримини (бир семестр учун) тўлаши шарт.

Шундай қилиб, контракт миқдори қуйидагича бўлади:

Гуманитар йўналишлар:

1) Педагогика, касб-ҳунар таълими: бакалавриат — 6 650 000 сўм
2) Санъат: бакалавриат — 7 900 000 сўм
3) Гуманитар фанлар: бакалавриат — 6 650 000 сўм
3.1)Шарқ филологияси, туркий тиллар филологияси, роман-герман филологияси, таржима ва амалиёт назарияси, ўзбек-инглиз таржимаси назарияси ва амалиёти: бакалавриат — 7 250 000 сўм
3.2) Жаҳон сиёсати: бакалавриат — 9 850 000 сўм
4) Математика, амалий математика ва информатика, табиий фанлар: бакалавриат — 6 650 000 сўм

Ижтимоий соҳа, иқтисод ва ҳуқуқ:

1) Ижтимоий фанлар ва психология: бакалавриат — 6 650 000 сўм
2) Журналистика ва ахборот: бакалавриат — 7 250 000 сўм
3) Иқтисодиёт: бакалавриат — 8 800 000 сўм
3.1) Жаҳон иқтисодиёти ва халқаро иқтисодий муносабатлар: бакалавриат — 9 850 000 сўм
4) Ҳуқуқ: бакалавриат — 9 850 000 сўм

Ишлаб чиқариш ва техника соҳаси:

1) Муҳандислик иши, ишлаб чиқариш технологияси: бакалавриат — 6 650 000 сўм
2) Компьютер ва информатика технологияси, алоқа ва ахборотлаштириш, телекоммуникация технологиялари: бакалавриат — 7 250 000 сўм
2.1) АКТ соҳасидаги иқтисодиёт ва менежмент: — 8 800 000 сўм
3) Архитектура ва қурилиш: — 7 250 000 сўм

Қишлоқ ва сув хўжалиги:

1) Қишлоқ, ўрмон ва балиқ хўжалиги, қишлоқ хўжалиги бошқаруви, қишлоқ хўжалиги техникаси, ветеринария, ирригация ва мелиорация: бакалавриат — 6 650 000 сўм

Соғлиқни сақлаш ва ижтимоий таъминот:

1) Соғлиқни сақлаш: бакалавриат — 8 800 000 сўм
2) Ижтимоий таъминот: бакалавриат— 6 650 000 сўм

Хизмат кўрсатиш соҳаси:

1) Хизмат кўрсатиш соҳаси: бакалавриат — 7 250 000 сўм
2) Спорт фаолияти: бакалавриат— 6 650 000 сўм
3) Транспорт: бакалавриат — 7 250 000 сўм
4) Атроф муҳит муҳофазаси, ҳаётий фаолият хавфсизлиги: бакалавриат— 6 650 000 сўм.