Қўшимча функционаллар
-
Тунги кўриниш
Олмалиқдаги конларда 5 минг тоннадан ортиқ олтин захираси тасдиқланди – президент
Президент Шавкат Мирзиёев Тошкент вилояти Олмалиқ шаҳрида бўлиб турибди. “Ёшлик I” кони ва мисни бойитиш фабрикасини кўздан кечирган президент ҳудуд фаоллари билан учрашди ва Олмалиқдаги конлар истиқболлари ҳақида сўзлаб берди.
Фото: Президент матбуот хизмати
“Катта-катта марралар олдик. Олмалиқда энг катта, мега лойиҳа бўлади. Мисни қайта ишлашнинг янги йўналишларини йўлга қўйяпмиз. Олмалиқликлар, сизлар билмайсизлар қандай бой одамсизлар.
Фақат Олмалиқдаги тасдиқланган конлар салоҳиятини айтаман, бошқаларини ҳозирча айтмай тураман. Биз геология бўйича ўрганишларни бошлаганимизда 16 млн тонналик захира бор деб ҳисоблардик. Олтин бўйича рақамларга эътибор беринг – агар энг катта конимиз бўлган Мурунтовда 3 минг тонна олтин захирамиз бўлса, Олмалиқдаги 5 минг тоннадан ортиқ олтин захиралари борлиги расман тасдиқланди.
Шу пайтгача Олмалиқда иккита мисни бойитиш корхонаси билан ишлаб келган ва учинчисини ишга туширмоқчи бўлган бўлсак, бугун мен топшириқ бердим, тўртинчи ва бешинчи корхоналарни ҳам ишга туширамиз.
Тасаввур қиляпсизларми, шу пайтгача иккита корхона билан ишлаб келган Олмалиқ шаҳри келажакда бешта йирик корхона билан иш олиб боради. Учинчи корхонани насиб қилса 2023 йил мустақиллик байрамига очамиз. Олмалиқ бугунги Олмалиқ бўлмайди”, – дея президентнинг сўзларини келтирмоқда Kun.uz мухбири.
Мавзуга оид
11:18 / 04.07.2024
Олмалиқ шаҳрида фоторадар ўрнатилган Cobalt ЙТҲга учради
07:34 / 18.02.2024
Тошкент вилоятидаги метан заправкада «Жигули»да ёнғин чиқди
14:00 / 29.01.2024
Президент хорижда ЙТҲ қурбонига айланаётган мигрантлар масаласига тўхталди
13:17 / 29.01.2024