Jismoniy shaxslarga tegishli transportlar soni 4,6 milliontaga yetdi

2025 yilning 1 iyul holatiga O‘zbekistonda jismoniy shaxslarga tegishli 4 612,7 mingta avtotransport vositalari ro‘yxatga olingan. 

Milliy statistika qo‘mitasi ma’lumotlariga ko‘ra, ularning asosiy qismini yengil avtomobillar (jamiga nisbatan ulushi 93 foiz) tashkil etadi. 

2024 yilning mos davriga nisbatan avtomobillar soni 441,5 mingtaga oshgan.

Jismoniy shaxslarga tegishli avtotransport vositalarining turlari bo‘yicha soni quyidagicha:

• yengil avtomobillar – 4 289,0 ming dona;
• yuk avtomobillari – 302,6 ming dona;
• mikroavtobuslar – 7,7 ming dona;
• maxsus transport vositalari – 7,3 ming dona;
• avtobuslar – 6,1 ming dona.