“Bu universitet – ma'naviyat va millat universiteti bo‘ladi”

2017 yilning 13 may kuni Alisher Navoiy nomidagi Toshkent davlat o‘zbek tili va adabiyoti universitetida maxsus tadbir bo‘lib o‘tdi.

Unda “Bu universitet – ma'naviyat va millat universiteti bo‘ladi” shiori ostida ta'lim muassasasining 1 yillik sanasi katta tantana bilan nishonlandi. 

Tadbirda universitet professor-o‘qituvchilari, talabalar va fahriy mehmonlar ishtirok etishdi. 

Eslatib o‘tamiz, O‘zbekiston respublikasi prezidentining 2016 yil 13 maydagi farmoniga binoan Toshkent shahrida Alisher Navoiy nomidagi Toshkent Davlat o‘zbek tili va adabiyoti universiteti tashkil etildi.

Yangi oliygoh Mirzo Ulug‘bek nomidagi O‘zbekiston Milliy universiteti O‘zbek filologiyasi fakulteti, Nizomiy nomidagi Toshkent davlat pedagogika universiteti O‘zbek tili va adabiyoti fakulteti hamda O‘zbekiston Fanlar Akademiyasi Alisher Navoiy nomidagi Til va adabiyot instituti negizida faoliyat ko‘rsatadi.