Yunusobod bozorida qayta qurish ishlari boshlanadi

Toshkent shahar hokimligining Munitsipal aktivlarni boshqarish markazi DUKka ko‘ra, loyiha doirasida bozorning umumiy vazifasi saqlanib qoladi. Har bir bo‘lim alohida reja asosida qayta tashkil etilib, tadbirkorlar uchun o‘z faoliyatini to‘xtatmasdan ishlash imkoniyati yaratiladi. Shuningdek, qurilish ishlari savdo joylariga ta’sir qilmasligi uchun maxsus logistika tizimi tashkil etiladi.

Toshkent shahar hokimligi yaqin kunlarda bozor tadbirkorlari bilan uchrashuv o‘tkazadi. Unda yangi quriladigan bozorning sharoitlari va imkoniyatlari haqida ma’lumot berilib, tadbirkorlar takliflari eshitiladi.

Yunusobod bozori nafaqat tuman aholisi uchun savdo va xizmat ko‘rsatish markaziga aylanadi, balki qo‘shimcha ish o‘rinlari va shahar infratuzilmasi rivojlanishiga hissa qo‘shadi. Qayta qurish ishlari natijasida bozor faoliyatidan budjetga tushumlar sezilarli darajada oshishi kutilmoqda”, deyiladi xabarda.

Loyihaga oid barcha yangiliklar aholi va tadbirkorlarga muntazam ravishda yetkazib turiladi. Qurilish jarayoni va uning natijalariga oid ma’lumotlar bilan tanishib borish mumkin bo‘ladi.